Iste domingo, "PONFERRADINA" vs "CIDADE DE SANTIAGO"

Este domingo o equipo xoga en terras bercianas contra a Deportiva Ponferradina, equipo que a falla de seis partidos para o remate da Liga está de 3º na clasificación con 55 puntos, distanciado 5 puntos respecto o 4º, o que o confirma como un dos máis seguros candidatos, xunto ca Real Unión de Irún e a Cultural de León a xugar os play-off de ascenso a Segunda División A. No grupo I, da Segunda División B, a disputa está máis localizada no cuarto posto polo cal aspiran o Pontevedra, o Rácing de Ferrol, o Lemona, o Zamora e mesmo o Barakaldo.

A Ponferradina no seu estadio soio encaixou duas derrotas no que levamos de tempada, as duas ante equipos vascos e durante a 1ª volta, ante o Bilbao Athl [ 0 - 1 ], na xornada 9, e ante o Lemona [ 1 - 2 ], na xornada 17. No Toralín cedeu cinco empates: ante a Real Unión [ 0 - 0 ], o Celta B [ 1 - 1 ], o Lugo [ 3 - 3 ], Barakaldo [ 0 - 0 ] e Cultural [ 0 - 0 ].

As fotos corresponden: a 1ª é do partido de Copa do Rey xugado no Sanchez Pizjuán, onde a Ponferradina cae eliminado por [4 - 0] frente o Sevilla, nunha noite máxica de Luis Fabiano. As duas seguintes son instantaneas do partido de ida xugado contra os bercianos en San Lázaro, o 23 de novembro do ano pasado, partido que perdemos por [ 1 -2 ]; encontro no cal o resultado final non fixo xustiza o que se viu no campo, e no que o árbitro tivo un protagonismo polémico en contra dos nosos intereses.

___________________________________